أسامه البيحاني BRANDUP

إذا ودّك تبني علامة تجارية الناس تتذكرها وتختارها، هذا الكتاب يمشي معك خطوة بخطوة في 8 مراحل، من أول فكرة لين أول عميل يرشّحك لغيره.

خلني أكون صريح معك.
أغلب المشاريع اللي أشوفها تبدأ بالشعار. تصرف عليه وتفرح فيه، وبعدها تكتشف إن الناس للحين ما يعرفون وش يميّزك عن اللي جنبك. والمشكلة هنا ما كانت في المصمم ولا في الإعلان. المشكلة إن القرارات المهمة ما انكتبت من البداية.

كتبت هذا الكتاب عشان ترتّبها بنفسك، وبالترتيب الصح.

وش بتمشي فيه:

1. تفهم سوقك ومنافسينك وعميلك قبل أي شي

2. تحدد مكانك في ذهن العميل

3. تعرف وش اللي يتغيّر في حياة عميلك بسببك

4. تلقى السبب اللي يخليه يختارك أنت

5. تكتب وعدك وشخصية علامتك وطريقة كلامها

6. تبني هويتك البصرية على أساس واضح

7. تهتم بتجربة عميلك وظهورك في قوقل والذكاء الاصطناعي

8. تقيس وتطوّر شهر بعد شهر

وش بتلقى داخله:

• 52 صفحة، كل صفحة فيها فكرة وحدة واضحة

• أوراق عمل تطبعها وتكتب فيها، أو تعبّيها على جهازك

• خطة 90 يوم تعرف فيها وش تسوي كل أسبوع

• قائمة تدقيق ترجع لها كل ثلاث شهور

• أرقام عن المستهلك السعودي من مصادرها، مثل PwC وYouGov

بيفيدك أكثر لو:

• عندك فكرة مشروع وتبي تبدأ صح من أول يوم

• عندك مشروع شغّال وحاس إن علامتك متشتتة

• تشتغل في التسويق أو التصميم وتبي طريقة واضحة تمشي عليها مع عملائك

ولا أنصحك فيه لو تدوّر على شعار جاهز. هذا الكتاب للي يبي يفهم قبل ما يصمم.

أنا أسامه البيحاني، أشتغل مع أصحاب المشاريع والشركات على بناء علاماتهم من الأساس. وهذا الكتاب هو نفس الطريقة اللي أمشي عليها معهم في الاستشارات، حطيتها لك في ملف واحد.

يوصلك الكتاب PDF مباشرة بعد الدفع، وتقدر تقراه من جوالك.